be-sabab humse wo hokar jo KHafa baiThe hain
be-sabab ham se vo hokar jo ḳhafā baiThe haiñ
ham bhī dil un kī taraf se ab uThā baiThe haiñ
kufr-o-islām ke jhagḌe se rihā.ī paa.ī
jab se dil ek but-e-kāfir se lagā baiThe haiñ
kyā hī ārām kī jā shahr-e-ḳhamoshāñ hai vaah
aman meñ haiñ jo yahāñ chain se aa baiThe haiñ
naak meñ kashmakash shaiḳh-o-barhaman se hai dam
ka.aba-o-dair se ham haath uThā baiThe haiñ
sadma-e-dāġh azīzāñ na uThāne paa.e
kyā hī ḳhush haiñ jo vahāñ pahle se jā baiThe haiñ
ishq kī bādiya paimā.ī hai takmīl 'akbar'
toḌ kar paañv bhalā aap ye kyā baiThe haiñ
be-sabab hum se wo hokar jo KHafa baiThe hain
hum bhi dil un ki taraf se ab uTha baiThe hain
kufr-o-islam ke jhagDe se rihai pai
jab se dil ek but-e-kafir se laga baiThe hain
kya hi aaram ki ja shahr-e-KHamoshan hai wah
aman mein hain jo yahan chain se aa baiThe hain
nak mein kashmakash shaiKH-o-barhaman se hai dam
kaba-o-dair se hum hath uTha baiThe hain
sadma-e-dagh azizan na uThane pae
kya hi KHush hain jo wahan pahle se ja baiThe hain
ishq ki baadiya paimai hai takmil 'akbar'
toD kar panw bhala aap ye kya baiThe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.