kya jaane kidhar hum hain wo dildar kahan hai
kya jaane kidhar hum hain wo dildar kahan hai
Shah Akbar Danapuri
MORE BYShah Akbar Danapuri
kyā jaane kidhar ham haiñ vo dildār kahāñ hai
vo akbar-e-ḳhasta jigar-afgār kahāñ hai
but-ḳhāne kise kahte haiñ kyā chiiz hai ka.aba
tasbīh kidhar rahtī hai zunnār kahāñ hai
kis tarah se aanā huā mai-ḳhāna meñ ai shaiḳh
jubba hai kahāñ aap kī dastār kahāñ hai
allāh re is ummat-e-marhūm ke rutbe
ḳhud afv hai jo yaañ ki gunahgār kahāñ hai
juz tere kisī kī hameñ ai dost ḳhabar kyā
kyā jāneñ kidhar ġhair ga.e yaar kahāñ hai
paidā jo ho sachchī talab insān ko 'akbar'
matlūb kahe merā talab-gār kahāñ hai
kya jaane kidhar hum hain wo dildar kahan hai
wo akbar-e-KHasta jigar-afgar kahan hai
but-KHane kise kahte hain kya chiz hai kaba
tasbih kidhar rahti hai zunnar kahan hai
kis tarah se aana hua mai-KHana mein ai shaiKH
jubba hai kahan aap ki dastar kahan hai
allah re is ummat-e-marhum ke rutbe
KHud afw hai jo yan ki gunahgar kahan hai
juz tere kisi ki hamein ai dost KHabar kya
kya jaanen kidhar ghair gae yar kahan hai
paida jo ho sachchi talab insan ko 'akbar'
matlub kahe mera talab-gar kahan hai
- Book : Tajalliyat-e-Ishque (Pg. 370)
- Author : Sha Akbar Danapuri
- Publication : shaukat Shahjahani, Aagra (1896)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
