gulshan mein usne ruKH se jo parda uTha diya

gulshan meñ us ne ruḳh se jo parda uThā diyā

bulbul kā hosh rañg guloñ kā uḌā diyā

ye kah ke shaiḳh ne mujhe dars-e-fanā diyā

baaqī rahā vo jis ne ḳhudī ko miTā diyā

thā apnī san.atoñ kā tamāsha jo dekhnā

bāzār-e-kā.enāt meñ melā lagā diyā

razzāqī-e-ḳhudā pe hai takiya faqīr ko

baiThe haiñ ghar meñ khāte haiñ allāh kā diyā

dil kis se māñgte ho kahāñ dil kahāñ jigar

muddat huī ki ḳhaak meñ sab ko milā diyā

'akbar' buland kī mere qātil ne teġh jab

maiñ ne sar-e-niyāz qadam par jhukā diyā

gulshan mein us ne ruKH se jo parda uTha diya

bulbul ka hosh rang gulon ka uDa diya

ye kah ke shaiKH ne mujhe dars-e-fana diya

baqi raha wo jis ne KHudi ko miTa diya

tha apni sanaton ka tamasha jo dekhna

bazar-e-kaenat mein mela laga diya

razzaqi-e-KHuda pe hai takiya faqir ko

baiThe hain ghar mein khate hain allah ka diya

dil kis se mangte ho kahan dil kahan jigar

muddat hui ki KHak mein sab ko mila diya

'akbar' buland ki mere qatil ne tegh jab

main ne sar-e-niyaz qadam par jhuka diya