Font by Mehr Nastaliq Web
Sufinama

putle mein aaya KHak ke aadam kaha gaya

Shah Azizuddin Hussain

putle mein aaya KHak ke aadam kaha gaya

Shah Azizuddin Hussain

MORE BYShah Azizuddin Hussain

    putle meñ aayā ḳhaak ke aadam kahā gayā

    jalva har ek rañg meñ ham ko dikhā gayā

    tauhīd sabaq hameñ us ne paḌhā diyā

    parda thā ik ḳhudī so vo bhī uThā diyā

    āḳhir junūn-e-'ishq ne kyā kyā kiyā sulūk

    sab ustuḳhvān aur rag-o-pai ko jalā gayā

    thī aarzū yahī ki koī ghūñT ho nasīb

    vo ḳhum ḳhum mujhe mai-e-vahdat pilā gayā

    qātil banā hai aap aur maqtūl hai vahī

    mansūr ban ke aap ko suulī chaḌhā gayā

    jis ko talāsh karatā hai kū-ba-kū 'azīz

    ab dekh har bashar meñ vo aake samā gayā

    putle mein aaya KHak ke aadam kaha gaya

    jalwa har ek rang mein hum ko dikha gaya

    tauhid ka sabaq hamein us ne paDha diya

    parda tha ek KHudi ka so wo bhi uTha diya

    aaKHir junun-e-'ishq ne kya kya kiya suluk

    sab ustuKHwan aur rag-o-pai ko jala gaya

    thi aarzu yahi ki koi ghunT ho nasib

    wo KHum ka KHum mujhe mai-e-wahdat pila gaya

    qatil bana hai aap aur maqtul hai wahi

    mansur ban ke aap ko suli chaDha gaya

    jis ko talash karata hai tu ku-ba-ku 'aziz

    ab dekh har bashar mein wo aake sama gaya

    Source :
    • Book : Wazaeful Aarifeen (Pg. 63)
    • Author :Sairda Azimabadi
    • Publication : Matba Qaiyyumi Kanpur
    • Edition : First
    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now