chhoDa na tujhe ne ram kya ye bhi na hua wo bhi na hua

chhoḌā na tujhe ne raam kyā ye bhī na huā vo bhī na huā

ham se to but-e-kāfir ba-ḳhudā ye bhī na huā vo bhī na huā

afsos adam se aa ke kyā kiyā ham ne gulshan-e-hastī meñ

juuñ shabnam-o-gul royā na hañsā ye bhī na huā vo bhī na huā

us ā.īna-rū ke vasl meñ bhī mushtāq-e-bos-o-kanār rahe

ai ālam-e-hairat tere sivā ye bhī na huā vo bhī na huā

dil kū-e-butāñ meñ jā baiThā dam ḳhāna-e-tan ko chhoḌ gayā

haif āḳhir-e-kār rafīq apnā ye bhī na huā vo bhī na huā

yā bahr-e-tavāf-e-ka.aba ga.e yā mo.atakif-e-but-ḳhāna hue

kyā shaiḳh-o-barhaman ham ne kiyā ye bhī na huā vo bhī na huā

ai qāsid-e-ashk-o-paik sabā us tak na payām-o-ḳhat pahuñchā

tum kyā kaaro haañ qismat kā likhā ye bhī na huā vo bhī na huā

khīñch us ko na laayā jazba-e-dil tāsīr na kuchh naale hī ne kī

maiñ donoñ kā shākī hī rahā ye bhī na huā vo bhī na huā

is lab kā liyā bosa na kabhū haihāt na lipTā paañv se

dil tujh se ba-rañg-e-pān-o-hinā ye bhī na huā vo bhī na huā

majnūñ to phirā jañgal jañgal farhād ne chīrā koh-e-dilā

maiñ aah rahā be-dast-o-pā ye bhī na huā vo bhī na huā

din ko bhī na dekhā ham ne use shab-e-ḳhvāb meñ bhī yaaro na milā

is tāle.a-e-ḳhufta kā hove burā ye bhī na huā vo bhī na huā

nazdīk 'nasīr' apne āsāñ farmā.ish thī goyā ye ġhazal

kuchh us kā bhī kahnā mushkil thā ye bhī na huā vo bhī na huā

chhoDa na tujhe ne ram kya ye bhi na hua wo bhi na hua

hum se to but-e-kafir ba-KHuda ye bhi na hua wo bhi na hua

afsos adam se aa ke kya kiya hum ne gulshan-e-hasti mein

jun shabnam-o-gul roya na hansa ye bhi na hua wo bhi na hua

us aaina-ru ke wasl mein bhi mushtaq-e-bos-o-kanar rahe

ai aalam-e-hairat tere siwa ye bhi na hua wo bhi na hua

dil ku-e-butan mein ja baiTha dam KHana-e-tan ko chhoD gaya

haif aaKHir-e-kar rafiq apna ye bhi na hua wo bhi na hua

ya bahr-e-tawaf-e-kaba gae ya moatakif-e-but-KHana hue

kya shaiKH-o-barhaman hum ne kiya ye bhi na hua wo bhi na hua

ai qasid-e-ashk-o-paik saba us tak na payam-o-KHat pahuncha

tum kya karo han qismat ka likha ye bhi na hua wo bhi na hua

khinch us ko na laya jazba-e-dil tasir na kuchh nale hi ne ki

main donon ka shaki hi raha ye bhi na hua wo bhi na hua

is lab ka liya bosa na kabhu haihat na lipTa panw se

dil tujh se ba-rang-e-pan-o-hina ye bhi na hua wo bhi na hua

majnun to phira jangal jangal farhad ne chira koh-e-dila

main aah raha be-dast-o-pa ye bhi na hua wo bhi na hua

din ko bhi na dekha hum ne use shab-e-KHwab mein bhi yaro na mila

is talea-e-KHufta ka howe bura ye bhi na hua wo bhi na hua

nazdik 'nasir' apne aasan farmaish thi goya ye ghazal

kuchh us ka bhi kahna mushkil tha ye bhi na hua wo bhi na hua