Sufinama

nahana mat tu ai rashk-e-pari zinhaar pani mein

Shah Naseer

nahana mat tu ai rashk-e-pari zinhaar pani mein

Shah Naseer

MORE BYShah Naseer

    nahānā mat ai rashk-e-parī zinhār paanī meñ

    habāb aisā na ho shīsha bane ik baar paanī meñ

    sunā ai bahr-e-ḳhūbī terī aTkhelī se chalne

    uḌaa.ī rafta rafta mauj ne raftār paanī meñ

    jhalak us tere kafash-e-pusht-e-māhī agar dekhe

    kare qālib thī maahī bhī phir lāchār paanī meñ

    nahīñ laḳht-e-jigar ye chashm meñ phirte ki mardum ne

    charāġh ab karke raushan chhoḌe haiñ do-chār paanī meñ

    lab-e-dariyā pe dekh aa kar tamāshā aaj holī

    bhañvar le ke daf baaje hai mauj ai yaar paanī meñ

    kahūñ kyā saath ġhairoñ ke to is be-dīd ne hamdam

    nahāne ke liye hargiz na takrār paanī meñ

    kahā maiñ ne jo itnā rakh qadam us dīda-e-tar par

    lagā kahne ki aatī hai mirī paizār paanī meñ

    'nasīr' āsāñ nahīñ ye baat paanī saḳht mushkil hai

    uThā.ī reḳhte ne kyā dīvār paanī meñ

    nahana mat tu ai rashk-e-pari zinhaar pani mein

    habab aisa na ho shisha bane ek bar pani mein

    suna ai bahr-e-KHubi teri aTkheli se chalne ki

    uDai rafta rafta mauj ne raftar pani mein

    jhalak us tere kafash-e-pusht-e-mahi ki agar dekhe

    kare qalib thi mahi bhi phir lachaar pani mein

    nahin laKHt-e-jigar ye chashm mein phirte ki mardum ne

    charagh ab karke raushan chhoDe hain do-chaar pani mein

    lab-e-dariya pe dekh aa kar tamasha aaj holi ka

    bhanwar ka le ke daf baje hai mauj ai yar pani mein

    kahun kya sath ghairon ke to is be-did ne hamdam

    nahane ke liye hargiz na ki takrar pani mein

    kaha main ne jo itna rakh qadam us dida-e-tar par

    laga kahne ki aati hai meri paizar pani mein

    'nasir' aasan nahin ye baat pani saKHt mushkil hai

    uThai reKHte ki tu ne kya diwar pani mein

    Source :
    • Book : Kulliyat-e-Shah Naseer-II Edited: Tanwir Ahmad Alvi (Pg. 326)
    • Author : Shah Naseer
    • Publication : Majlis-e-Taraqqi Adab, Lahur (1971)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY