Sufinama

meri aah-e-jigar se kyun na howe ab asar paida

Shah Naseer

meri aah-e-jigar se kyun na howe ab asar paida

Shah Naseer

MORE BYShah Naseer

    mirī āh-e-jigar se kyuuñ na hove ab asar paidā

    vahīñ to sher rahtā hai jahāñ hotā hai sar paidā

    tamannā ishq rakhnā ġhalat-fahmī hai piirī meñ

    kahīñ afsurda ḳhākistar se hotā hai sharar paidā

    rag-e-jāñ ke ta.iiñ majnūñ kyā fassād pahchāne

    mizha se chashm-e-lailā ke hai is ko neshtar paidā

    ta.ayyun se nikal is beza-e-aflāk ke ai dil

    tahayya arsh par uḌne hai kar bāl-o-par paidā

    ḳhudā-hāfiz hai bahr-e-ishq meñ is dil kashtī

    ki hai chīn-e-jabīn-e-yār se mauj-e-digar paidā

    gadā ko kyuuñ na sayyāhī lazzat ho ki hotā hai

    nayā daana nayā paanī nayā ik aur ghar paidā

    yahāñ tak ḳhaak rutba hai is aalam meñ ab jis se

    kiyā hai shīsha-e-sā.at ne asbāb-e-safar paidā

    dharā hai ashk kis chashm meñ juz dīda-e-āshiq

    nahīñ dekhā hai ye har ik sadaf se ho guhar paidā

    faqat kuchh taur par jalva na thā ā.īne meñ bhī hai

    'nasīr' us tajallī hai ba-ā.īn-e-digar paidā

    meri aah-e-jigar se kyun na howe ab asar paida

    wahin to sher rahta hai jahan hota hai sar paida

    tamannā ishq ki rakhna ghalat-fahmi hai piri mein

    kahin afsurda KHakistar se hota hai sharar paida

    rag-e-jaan ke tain majnun ki kya fassad pahchane

    mizha se chashm-e-laila ke hai is ko neshtar paida

    tayyun se nikal is beza-e-aflak ke ai dil

    tahayya arsh par uDne ka hai kar baal-o-par paida

    KHuda-hafiz hai bahr-e-ishq mein is dil ki kashti ka

    ki hai chin-e-jabin-e-yar se mauj-e-digar paida

    gada ko kyun na sayyahi ki lazzat ho ki hota hai

    naya dana naya pani naya ek aur ghar paida

    yahan tak KHak ka rutba hai is aalam mein ab jis se

    kiya hai shisha-e-saat ne asbab-e-safar paida

    dhara hai ashk kis ki chashm mein juz dida-e-ashiq

    nahin dekha hai ye har ek sadaf se ho guhar paida

    faqat kuchh taur par jalwa na tha aaine mein bhi hai

    'nasir' us ki tajalli hai ba-ain-e-digar paida

    Source :
    • Book : Kulliyat-e-Shah Naseer Edited: Tanwir Ahmad Alvi (Pg. 223)
    • Author : Shah Naseer
    • Publication : Majlis-e-Taraqqi Adab, Lahur (1971)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY