kuchh nahin khulta mujhe main kaun hun

kuchh nahīñ khultā mujhe maiñ kaun huuñ

sūrat-e-hairat huuñ yā shakl-e-junūñ

'ishq hai surma-e-dīvāngī

sahr kab paatā hai us ko aur fusūñ

āh-o-nāla ne mujhe rusvā kiyā

varna pinhāñ thā mirā rāz-e-darūñ

gar na bahte laḳht-e-dil āñkhoñ kī raah

rashk ashk aisā na hotā rashk-e-kHūñ

husn-e-jānāñ jalva-gar har shai meñ hai

diid meñ apne nahīñ koī zabūñ

kaun pā saktā hai mujh gum-gashta ko

diin DhūñDhe aake yā duniyā-e-dūñ

jis ne pahchānā hai apne aap ko

hai 'niyāz' apne qadam par sar-nigūñ

kuchh nahin khulta mujhe main kaun hun

surat-e-hairat hun ya shakl-e-junun

'ishq hai surma-e-diwangi

sahr kab pata hai us ko aur fusun

aah-o-nala ne mujhe ruswa kiya

warna pinhan tha mera raaz-e-darun

gar na bahte laKHt-e-dil aankhon ki rah

rashk ashk aisa na hota rashk-e-kHun

husn-e-jaanan jalwa-gar har shai mein hai

did mein apne nahin koi zabun

kaun pa sakta hai mujh gum-gashta ko

din DhunDhe aake ya duniya-e-dun

jis ne pahchana hai apne aap ko

hai 'niyaz' apne qadam par sar-nigun