agar parde se bahar wo sarapa nur ho jae

agar parde se bāhar vo sarāpā nuur ho jaa.e

yahīñ ik vādī-e-aiman bane ik tuur ho jaa.e

fuġhān-e-dil shikast-e-sad hijāb-e-nūr ho jaaye

nigāh-e-shauq kyuuñ sahrā-navard-e-tūr ho jaaye

musaḳhḳhar jis nazar ne kar liye kaun-o-makāñ donoñ

'ajab kyā kā.ināt-e-dil agar mas.hūr ho jaaye

tasavvur jab ruḳh-e-tābāñ kā ho merī nigāhoñ meñ

tajallī se bun kaun-o-makāñ mā'mūr ho jaa.e

tumhāre zikr meñ haiñ tīr-o-nashtar ke maze 'qātil'

tumhārā naam taskīn-e-dil-e-ranjūr ho jaa.e

agar parde se bahar wo sarapa nur ho jae

yahin ek wadi-e-aiman bane ek tur ho jae

fughan-e-dil shikast-e-sad hijab-e-nur ho jaye

nigah-e-shauq kyun sahra-naward-e-tur ho jaye

musaKHKHar jis nazar ne kar liye kaun-o-makan donon

'ajab kya kainat-e-dil agar mashur ho jaye

tasawwur jab ruKH-e-taban ka ho meri nigahon mein

tajalli se bun kaun-o-makan ma'mur ho jae

tumhaare zikr mein hain tir-o-nashtar ke maze 'qatil'

tumhaara nam taskin-e-dil-e-ranjur ho jae