اس کے چہرے پہ خدا جانے یہ کیسا نور تھا

اس کے چہرے پہ خدا جانے یہ کیسا نور تھا

ورنہ یہ دیوانگی کب عشق کا دستور تھا

سرمۂ وحدت جو کھینچا عشق نے آنکھوں کے بیچ

جون سا پتھر نظر آیا وہ کوہ طور تھا

پاس آنے کو میرے بعدِ مسافت کچھ نہ تھی

غور کر دیکھا تو میں ہی دل سے تیرے دور تھا

لگ گیا ناگاہ اس پر یہ تیرا تیر نگاہ

دل کا شیشہ جو بغل میں ہم نے دیکھا چور تھا

دل کو تیرے دکھ دیا ہے عشقؔ کن نے ہم سے کہہ

شوخ تھا بے باک تھا خوں خوار تھا مغرور تھا