KHun ka qatra nahin hai chashm-e-giryan ab talak

ḳhuun kā qatra nahīñ hai chashm-e-giryāñ ab talak

uzv saare jal ga.e par dil hai bariyāñ ab talak

so zabāñ ho misl-e-shāna ma.azarat kī mū-ba-mū

sāf-dil hotī nahīñ vo zulf-e-pechāñ ab talak

kahiyo ai qāsid payām us ko ki tere hijr se

jāñ-ba-lab pahuñchā nahīñ aatā hai tū yaañ ab talak

sun ke nā-ḳhush ho kahā nisbat thī mujh se ishaq kī

so ye ab ma.alūm huī tis par hai nāzāñ ab talak

'ishq' kā da.avā kiyā aur hijr meñ jiitā rahā

phiir to shākī hai ham se kahiyo nādāñ ab talak

KHun ka qatra nahin hai chashm-e-giryan ab talak

uzw sare jal gae par dil hai bariyan ab talak

so zaban ho misl-e-shana mazarat ki mu-ba-mu

saf-dil hoti nahin wo zulf-e-pechan ab talak

kahiyo ai qasid payam us ko ki tere hijr se

jaan-ba-lab pahuncha nahin aata hai tu yan ab talak

sun ke na-KHush ho kaha nisbat thī mujh se ishaq ki

so ye ab malum hui tis par hai nazan ab talak

'ishq' ka dawa kiya aur hijr mein jita raha

phir to shaki hai hum se kahiyo nadan ab talak