meri mushkil ko hal kar do mere mushkil-kusha tum ho
meri mushkil ko hal kar do mere mushkil-kusha tum ho
Shah Taqi Raaz Barelvi
MORE BYShah Taqi Raaz Barelvi
merī mushkil ko hal kar do mere mushkil-kushā tum ho
vasī-e-mustafā tum ho nusairī ke ḳhudā tum ho
ḳhudā shāhid hai us sham'-e-farozāñ kī ziyā tum ho
maiñ hargiz ye nahīñ kahtā tumheñ mere ḳhudā tum ho
abhī tak hasrat-e-dīdār kī had tak nahīñ pahuñchā
maiñ ab samjhā huuñ ye jākar nazar kī intihā tum ho
shu’ā-e-husn-e-yousuf hai tumhāre husn kā partav
tumhīñ kHurshīd-e-auj-e-mā’rifat ho pur-ziyā tum ho
zamāna 'rāz' ke rāz-e-darūñ ko ḳhaak samjhegā
haqīqat hai bas itnī 'rāz' ke hājat-ravā tum ho
meri mushkil ko hal kar do mere mushkil-kusha tum ho
wasi-e-mustafa tum ho nusairi ke KHuda tum ho
KHuda shahid hai us sham'-e-farozan ki ziya tum ho
main hargiz ye nahin kahta tumhein mere KHuda tum ho
abhi tak hasrat-e-didar ki had tak nahin pahuncha
main ab samjha hun ye jakar nazar ki intiha tum ho
shu’a-e-husn-e-yousuf hai tumhaare husn ka partaw
tumhin kHurshid-e-auj-e-ma’rifat ho pur-ziya tum ho
zamana 'raaz' ke raaz-e-darun ko KHak samjhega
haqiqat hai bas itni 'raaz' ke hajat-rawa tum ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
