tasawwur tar-e-zulf-e-pur-shikan ka

tasavvur tār-e-zulf-e-pur-shikan kā

huā shīrāza band ajzā-e-tan kā

sarāpā bulbul-e-dil nāla-zan hai

ki shāyad band hai gul-pairahan kā

lab-e-rañgīn par mohr-e-ḳhamoshī

dalīl hai tañgī-e-ġhuncha-e-dahan kā

hamesha dāman-e-gul misl-e-shabnam

huā maskan mire tifl-e-nen kā

jise yaksāñ huā hai kufr-o-islām

nahīñ us paas jhagḌā mā-o-man kā

karam kar mujh uupar tuuñ yā-'husainī'

ki adnā gard huuñ tere charan kā

bahamdillāh ki aalam jāntā hai

'turābī' naqsh-e-pā huuñ bul-hasan kā

tasawwur tar-e-zulf-e-pur-shikan ka

hua shiraaza band ajza-e-tan ka

sarapa bulbul-e-dil nala-zan hai

ki shayad band hai gul-pairahan ka

lab-e-rangin par mohr-e-KHamoshi

dalil hai tangi-e-ghuncha-e-dahan ka

hamesha daman-e-gul misl-e-shabnam

hua maskan mere tifl-e-nen ka

jise yaksan hua hai kufr-o-islam

nahin us pas jhagDa ma-o-man ka

karam kar mujh upar tun ya-'husaini'

ki adna gard hun tere charan ka

bahamdillah ki aalam jaanta hai

'turabi' naqsh-e-pa hun bul-hasan ka