asir-e-kakul-e-KHamdar hun main

asīr-e-kākul-e-ḳhamdār huuñ maiñ

giraftār-e-kamand-e-yār huuñ maiñ

tire ā.īna-rū kuuñ dekh hairat

sarāpā sūrat-e-dīvār huuñ maiñ

kiyā yak aah suuñ aadā ko faanī

ajab shamshīr-e-jauhar-dār huuñ maiñ

rakhā hai pech de kar dil kuuñ mere

fidā-e-chīra-e-bal-dār huuñ maiñ

dekhāyā huuñ jab us laila-sifat kuuñ

dil-e-dīvāna majnūñ-vār huuñ maiñ

but-e-gesū-darāzī dekh bar meñ

nisār-e-rishta-e-zunnār huuñ maiñ

'turāb'-e-naqsh-e-pā-e-mominā ho

sag-e-dargāh-e-hasht-o-chār huuñ maiñ

asir-e-kakul-e-KHamdar hun main

giraftar-e-kamand-e-yar hun main

tere aaina-ru kun dekh hairat

sarapa surat-e-diwar hun main

kiya yak aah sun aada ko fani

ajab shamshir-e-jauhar-dar hun main

rakha hai pech de kar dil kun mere

fida-e-chira-e-bal-dar hun main

dekhaya hun jab us laila-sifat kun

dil-e-diwana majnun-war hun main

but-e-gesu-daraazi dekh bar mein

nisar-e-rishta-e-zunnar hun main

'turab'-e-naqsh-e-pa-e-momina ho

sag-e-dargah-e-hasht-o-chaar hun main