are dil kya sabab nahaq pareshan is qadar hai re

are dil kyā sabab nāhaq pareshāñ is qadar hai re

kisī ke halqa-e-kākul kā shāyad kuchh asar hai re

are dil kyuuñ tuuñ hairat meñ paḌā hai misl-e-ā.īna

tujhe dekhe siiñ kul paanī sikandar kā jigar hai re

are dil misl-e-bulbul chup hamesha nāla-zan hai tuuñ

kahīñ gul-pairahan gul-rū kī paayā kuchh ḳhabar hai re

are dil mat ho dīvāna parī-rūyāñ ke kākul kā

tujhe zanjīr kar shīshe meñ rakhne kī fikar hai rahe

are dil tujh kuuñ baitullāh kahte ārifāñ saare

to pas tahqīq tere maiñ chaturbahuj kā guzar hai re

are dil tuuñ murārī hor are dil tuuñ hai murlī-dhar

taheñ mādhav taheñ gobind taheñ gopāl har hai re

are dil kyuuñ huā hai re abas tuuñ vahshī-e-dashtī

kisī āhū-nigāhāñ kī tuje achchhar kā chhar hai re

are dil nirkuTī meñ dekh tar-e-mūrat kī mūrat kuuñ

ohī mūrat ohī sūrat ohī sab nār-o-nar hai re

are dil ham 'turāb-e-naqsh-e-pā haiñ ḳhūb-rūyāñ ke

ziyāda guftugū phir kyā hai qissa muḳhtasar hai re

are dil kya sabab nahaq pareshan is qadar hai re

kisi ke halqa-e-kakul ka shayad kuchh asar hai re

are dil kyun tun hairat mein paDa hai misl-e-aina

tujhe dekhe sin kul pani sikandar ka jigar hai re

are dil misl-e-bulbul chup hamesha nala-zan hai tun

kahin gul-pairahan gul-ru ki paya kuchh KHabar hai re

are dil mat ho diwana pari-ruyan ke kakul ka

tujhe zanjir kar shishe mein rakhne ki fikar hai rahe

are dil tujh kun baitullah kahte aarifan sare

to pas tahqiq tere main chaturbahuj ka guzar hai re

are dil tun murari hor are dil tun hai murli-dhar

tahen madhaw tahen gobind tahen gopal har hai re

are dil kyun hua hai re abas tun wahshi-e-dashti

kisi aahu-nigahan ki tuje achchhar ka chhar hai re

are dil nirkuTi mein dekh tar-e-murat ki murat kun

ohi murat ohi surat ohi sab nar-o-nar hai re

are dil hum 'turab-e-naqsh-e-pa hain KHub-ruyan ke

ziyaada guftugu phir kya hai qissa muKHtasar hai re