ارے دل کیا سبب ناحق پریشاں اس قدر ہے رے

ارے دل کیا سبب ناحق پریشاں اس قدر ہے رے

کسی کے حلقۂ کاکل کا شاید کچھ اثر ہے رے

ارے دل کیوں توں حیرت میں پڑا ہے مثل آئینہ

تجھے دیکھے سیں کل پانی سکندر کا جگر ہے رے

ارے دل مثل بلبل چپ ہمیشہ نالہ زن ہے توں

کہیں گل پیرہن گل رو کی پایا کچھ خبر ہے رے

ارے دل مت ہو دیوانہ پری رویاں کے کاکل کا

تجھے زنجیر کر شیشے میں رکھنے کی فکر ہے رہے

ارے دل تجھ کوں بیت اللہ کہتے عارفاں سارے

تو پس تحقیق تیرے میں چتر بھج کا گزر ہے رے

ارے دل توں مراری ہور ارے دل توں ہے مرلیؔ دھر

تہیں مادھو تہیں گوبند تہیں گوپال ہر ہے رے

ارے دل کیوں ہوا ہے رے عبث توں وحشیٔ دشتی

کسی آہو نگاہاں کی تجے اچھر کا چھر ہے رے

ارے دل نرکٹی میں دیکھ تر مورت کی مورت کوں

اوہی مورت اوہی صورت اوہی سب نار و نر ہے رے

ارے دل ہم ترابؔ نقش پا ہیں خوب رویاں کے

زیادہ گفتگو پھر کیا ہے قصہ مختصر ہے رے