ishq mein jab sar diya tab phir ke lachaari hai kya

ishq meñ jab sar diyā tab phir ke lāchārī hai kyā

iḳhtiyār-e-faqar meñ vasvās-e-nādārī hai kyā

be-qarārī se taḌaptā dekh o pūchhā mujhe

ai shahīd-e-teġh-e-abrū tujh kuuñ bīmārī hai kyā

maiñ kahā hazrat-salāmat kuchh to munsif ho hī je

maar kar zaḳhmī ka.e kahte ho āzārī hai kyā

tab kahā munsif ho fil-vāqe.a ki merā daar hai

yuuñ ḳhabar mujh par nahīñ jo zaḳhm o kaarī hai kyā

maiñ kahā insāf-e-dushman dil meñ kuchh insāf kar

zaḳhm gar kaarī nahīñ to ḳhuun ye jaarī hai kyā

sun tabassum kar kahā ka.ī zaḳhm aise khā.egā

gar hai tu sābit-qadam zaḳhmoñ kī be-zārī hai kyā

baañd kar gulnār chīrā gul-badan jaatā hai baaġh

aaj ḳhātir meñ tire bulbul kī mismārī hai kyā

jo 'turāb' naqsh-e-pā ho kar rahe nālain kā

maar use mismār karnā ye vafādārī hai kyā

ishq mein jab sar diya tab phir ke lachaari hai kya

iKHtiyar-e-faqar mein waswas-e-nadari hai kya

be-qarari se taDapta dekh o puchha mujhe

ai shahid-e-tegh-e-abru tujh kun bimari hai kya

main kaha hazrat-salamat kuchh to munsif ho hi je

mar kar zaKHmi kae kahte ho aazari hai kya

tab kaha munsif ho fil-waqea ki mera dar hai

yun KHabar mujh par nahin jo zaKHm o kari hai kya

main kaha insaf-e-dushman dil mein kuchh insaf kar

zaKHm gar kari nahin to KHun ye jari hai kya

sun tabassum kar kaha kai zaKHm aise khaega

gar hai tu sabit-qadam zaKHmon ki be-zari hai kya

band kar gulnar chira gul-badan jata hai bagh

aaj KHatir mein tere bulbul ki mismari hai kya

jo 'turab' naqsh-e-pa ho kar rahe nalain ka

mar use mismar karna ye wafadari hai kya