bas ki dil sauda-zada hai ai shab-e-hijran mera

bas ki dil saudā-zada hai ai shab-e-hijrāñ mirā

sham.a-rū kuuñ bol jā kar hālat-e-giryāñ mirā

bevafā.ī un siyah-chashmāñ kī dekhā jab satī

misl-e-ā.īna ho hairāñ dil hai sargardāñ mirā

gul-badan ke hijr suuñ tanhā-o-giryāñ dekh kar

yaar ham-sohbat huā hai bulbul-e-nālāñ mirā

kākul-e-mushkīñ kā apne vo girah kholā hai aaj

jam.a-e-ḳhātir kaañ rahe jab hai pareshāñ jaañ mirā

phir o hī aatā hai zālim āstīñ apnī chaḌā

murġh-e-dil jis ne kiyā us roz ḳhūñ-afshāñ mirā

kar garebāñ chaak apnā gul namat bhuhīñ par girā

dard-e-dil bulbul sauñ sun kar o gul-e-ḳhandāñ mirā

kyuuñ karauñ nā dam-ba-dam husn-e-husainī par nisār

ai 'turāb' har-yak añjhū hai gauhar-e-ġhaltāñ mirā

bas ki dil sauda-zada hai ai shab-e-hijran mera

shama-ru kun bol ja kar haalat-e-giryan mera

bewafai un siyah-chashman ki dekha jab sati

misl-e-aina ho hairan dil hai sargardan mera

gul-badan ke hijr sun tanha-o-giryan dekh kar

yar ham-sohbat hua hai bulbul-e-nalan mera

kakul-e-mushkin ka apne wo girah khola hai aaj

jama-e-KHatir kan rahe jab hai pareshan jaan mera

phir o hi aata hai zalim aastin apnī chaDa

murgh-e-dil jis ne kiya us roz KHun-afshan mera

kar gareban chaak apna gul namat bhuhin par gira

dard-e-dil bulbul saun sun kar o gul-e-KHandan mera

kyun karaun na dam-ba-dam husn-e-husaini par nisar

ai 'turab' har-yak anjhu hai gauhar-e-ghaltan mera