بس کہ دل سودا زدہ ہے اے شب ہجراں مرا

بس کہ دل سودا زدہ ہے اے شب ہجراں مرا

شمع رو کوں بول جا کر حالت گریاں مرا

بے وفائی ان سیہ چشماں کی دیکھا جب ستی

مثل آئینہ ہو حیراں دل ہے سرگرداں مرا

گل بدن کے ہجر سوں تنہا و گریاں دیکھ کر

یار ہم صحبت ہوا ہے بلبل نالاں مرا

کاکل مشکیں کا اپنے وہ گرہ کھولا ہے آج

جمع خاطر کاں رہے جب ہے پریشاں جاں مرا

پھر او ہی آتا ہے ظالم آستیں اپنی چڑا

مرغ دل جس نے کیا اوس روز خوں افشاں مرا

کر گریباں چاک‌ اپنا گل نمط بہیں پر گرا

درد دل بلبل سوں سن کر او گل خنداں مرا

کیوں کروں نا دم بہ دم حسن حسینی پر نثار

اے ترابؔ ہر یک انجہو ہے گوہر غلطاں مرا