o but-e-nazuk jahan hai och but-KHana hai KHub

o but-e-nāzuk jahāñ hai och but-ḳhāna hai ḳhuub

hai makāñ hor na.iiñ makīn tū dasht-o-vīrāna hai ḳhuub

muft meñ añgusht-numā karte ho aalam meñ abas

dost-e-nādāñ setī be-shak dushman-e-dānā hai ḳhuub

ho pareshāñ-hāl tirī zulf-e-kaj kā sair kar

is firāq-e-ishaq setī āshnā shāna hai ḳhuub

sham.a-rū ke ishaq meñ aksar huā dil soḳhta

shola-e-ātish suuñ vāqif-e-hāl-e-parvāna hai ḳhuub

kātib-e-qudrat kiyā hai barg-e-sumbul par raqam

mahram-e-zanjīr-e-zulf-e-yār dīvāna hai ḳhuub

dekh kar us sho.ala-ḳhū kuuñ na.al dar ātish hai dil

is yagāne-pan suuñ tere balki begāna hai ḳhuub

jaañ guzar kartā hai o maḳhmūr chashm-e-nau-bahār

ai 'turāb' har sub.h-dam o sair-e-mai-ḳhāna hai ḳhuub

o but-e-nazuk jahan hai och but-KHana hai KHub

hai makan hor nain makin tu dasht-o-virana hai KHub

muft mein angusht-numa karte ho aalam mein abas

dost-e-nadan seti be-shak dushman-e-dana hai KHub

ho pareshan-haal teri zulf-e-kaj ka sair kar

is firaq-e-ishaq seti aashna shana hai KHub

shama-ru ke ishaq mein aksar hua dil soKHta

shola-e-atish sun waqif-e-haal-e-parwana hai KHub

katib-e-qudrat kiya hai barg-e-sumbul par raqam

mahram-e-zanjir-e-zulf-e-yar diwana hai KHub

dekh kar us shoala-KHu kun nal dar aatish hai dil

is yagane-pan sun tere balki begana hai KHub

jaan guzar karta hai o maKHmur chashm-e-nau-bahaar

ai 'turab' har subh-dam o sair-e-mai-KHana hai KHub