او بت نازک جہاں ہے اوچھ بت خانہ ہے خوب

او بت نازک جہاں ہے اوچھ بت خانہ ہے خوب

ہے مکاں ہور نئیں مکین تو دشت و ویرانہ ہے خوب

مفت میں انگشت نما کرتے ہو عالم میں عبث

دوست ناداں سیتی بے شک دشمن دانا ہے خوب

ہو پریشاں حال تری زلف کج کا سیر کر

اس فراق عشق سیتی آشنا شانہ ہے خوب

شمع رو کے عشق میں اکثر ہوا دل سوختہ

شعلۂ آتش سوں واقف حال پروانہ ہے خوب

کاتب قدرت کیا ہے برگ سنبل پر رقم

محرم زنجیر زلف یار دیوانہ ہے خوب

دیکھ کر اوس شعلہ خو کوں نعل در آتش ہے دل

اس یگانے پن سوں تیرے بلکہ بیگانہ ہے خوب

جاں گزر کرتا ہے او مخمور چشم نو بہار

اے ترابؔ ہر صبح دم او سیر مے خانہ ہے خوب