dair mein jo kare KHuda ko yaad

dair meñ jo kare ḳhudā ko yaad

rāmpur us ko ho ilhābād

dūsrā koī nazar nahīñ paḌtā

kījiye kis se yaar kī fariyād

vo mirī daad chāhe de ki na de

maiñ to detā huuñ us ke ishq kī daad

aapī ma.ashūq aapī āshiq hai

kaun shīrīñ hai kaun hai farhād

nahīñ se kyā qais aage baḌh ke chale

kahāñ shāgird aur kahāñ ustād

bāġhbāñ band kar le darvāza

jaane paa.e na baaġh meñ sayyād

laa.ī phir muzda-e-bahār sabā

bulbuloñ se kaho mubārakbād

us kī tasvīr dekh uḌ ga.e hosh

ga.e hairat meñ mānī-o-bahzād

jo tasavvur meñ us ke ḳhush hai 'turāb'

vo hamesha rahegā shādāñ shaad

dair mein jo kare KHuda ko yaad

rampur us ko ho ilhabaad

dusra koi nazar nahin paDta

kijiye kis se yar ki fariyaad

wo meri dad chahe de ki na de

main to deta hun us ke ishq ki dad

aapi mashuq aapi aashiq hai

kaun shirin hai kaun hai farhad

nahin se kya qais aage baDh ke chale

kahan shagird aur kahan ustad

baghban band kar le darwaza

jaane pae na bagh mein sayyaad

lai phir muzda-e-bahaar saba

bulbulon se kaho mubarakbaad

us ki taswir dekh uD gae hosh

gae hairat mein mani-o-bahzad

jo tasawwur mein us ke KHush hai 'turab'

wo hamesha rahega shadan shad