ruKH kiye hain teri jaanib saqi-e-mai-KHana ab

ruḳh kiye haiñ terī jānib sāqi-e-mai-ḳhāna ab

shakl-e-nazrāna malegā piine ko paimāna ab

be-ḳhudī taarī rahe piitā rahe paimāna ab

is liye bhī hosh meñ aatā nahīñ dīvāna ab

bas isī ummīd par kaasa liye baiThā huuñ maiñ

merā kaasa bhī bhareñge bānī-e-kashāna ab

is qadar pur-nūr aur pākīza mahfil maah meñ

kaash ki ho mun.aqid mahfil ka.ī haftāna ab

phir rahā huuñ bastī-bastī sahrā-sahrā is liye

tālib-e-dīdār hai ye jalva-e-jānāna ab

naqsh-e-pā kī dhuul māthe par lagāne ke liye

DhūñDhtā hai naqsh-e-pā ko aap kā dīvāna ab

khānā piinā ġhair kā to tark hai apnā 'shakīl'

aap kā piinā hai paanī aap kā hai khānā ab

ruKH kiye hain teri jaanib saqi-e-mai-KHana ab

shakl-e-nazrana malega pine ko paimana ab

be-KHudi tari rahe pita rahe paimana ab

is liye bhi hosh mein aata nahin diwana ab

bas isi ummid par kasa liye baiTha hun main

mera kasa bhi bharenge bani-e-kashana ab

is qadar pur-nur aur pakiza mahfil mah mein

kash ki ho munaqid mahfil kai haftana ab

phir raha hun basti-basti sahra-sahra is liye

talib-e-didar hai ye jalwa-e-jaanana ab

naqsh-e-pa ki dhul mathe par lagane ke liye

DhunDhta hai naqsh-e-pa ko aap ka diwana ab

khana pina ghair ka to tark hai apna 'shakil'

aap ka pina hai pani aap ka hai khana ab