andar ka haal jo bhi ho mahrab samne

andar kā haal jo bhī ho mahrāb sāmne

tārīkiyoñ meñ ġharq vo mahtāb sāmne

suulī pe chaḌh gayā maiñ hī 'azīm thā

kuchh bhī to hote jurm ke asbāb sāmne

ab kyā hai merī dhuum hai lekin kise ḳhabar

kis rāste se aa.e haiñ alqāb sāmne

phir aa rahā hai yaad vo manzar ki ek baar

dushman ke saath aa.e the ahbāb sāmne

nā-kāmī-e-hayāt kā har aks rū-ba-rū

ta.abīr DhūñDhtā huuñ tū har ḳhvāb sāmne

vo bhiiḌ se guzar ga.e fan se the āshnā

ham phañs ga.e ki mil ga.e ahbāb sāmne

andar ka haal jo bhi ho mahrab samne

tarikiyon mein gharq wo mahtab samne

suli pe chaDh gaya main hi 'azim tha

kuchh bhi to hote jurm ke asbab samne

ab kya hai meri dhum hai lekin kise KHabar

kis raste se aae hain alqab samne

phir aa raha hai yaad wo manzar ki ek bar

dushman ke sath aae the ahbab samne

na-kaami-e-hayat ka har aks ru-ba-ru

tabir DhunDhta hun tu har KHwab samne

wo bhiD se guzar gae fan se the aashna

hum phans gae ki mil gae ahbab samne