mai-KHana mein ajib tamasha nazar paDa

mai-ḳhāna meñ 'ajīb tamāshā nazar paḌā

koī idhar paḌā hai to koī udhar paḌā

maiñ ne uThā liyā use apnā samajh ke dil

shīsha bhī koī raah meñ paayā agar paḌā

aayā karo hamāre bhī ghar par kabhī kabhī

farmāo to sahī tumheñ kis kā hai Dar paḌā

kyā jaane kyā huā mire ḳhat ke javāb ko

kyā jaane kis balā meñ mirā nāma-bar paḌā

uThne kī bhī to zo'f se tāqat nahīñ rahī

chilman kī tarah huuñ maiñ dar-e-yār par paḌā

ai charḳh be-kasoñ ko satāna nahīñ hai kHuub

miT jā.egā to sabr hamārā agar paḌā

saarī nigāh-e-shauq kī hasrat nikal ga.ī

thā shab ko kHvāb-e-nāznīñ vo be-ḳhabar paḌā

mai-KHana mein 'ajib tamasha nazar paDa

koi idhar paDa hai to koi udhar paDa

main ne uTha liya use apna samajh ke dil

shisha bhi koi rah mein paya agar paDa

aaya karo hamare bhi ghar par kabhi kabhi

farmao to sahi tumhein kis ka hai Dar paDa

kya jaane kya hua mere KHat ke jawab ko

kya jaane kis bala mein mera nama-bar paDa

uThne ki bhi to zo'f se taqat nahin rahi

chilman ki tarah hun main dar-e-yar par paDa

ai charKH be-kason ko satana nahin hai kHub

miT jaega to sabr hamara agar paDa

sari nigah-e-shauq ki hasrat nikal gai

tha shab ko kHwab-e-naznin wo be-KHabar paDa