be-amal jhuTa farebi hai bad-atwar bhi hai

be-amal jhūTā farebī hai bad-atvār bhī hai

aaj ke daur kā insāñ to adākār bhī hai

aql hairāñ hai ki jannat kā talab-gār bhī hai

dil ye duniyā kī mohabbat meñ giraftār bhī hai

chāhne vāloñ kā mela hai tumhār atrāf

un meñ hamdam yā koī mūnis-o-ġham-ḳhvār bhī hai

apnī qismat pe maiñ nāzāñ huuñ ki dilbar merā

ḳhūbsūrat hai sajīlā hai vafādār bhī hai

tuune ilzām lagā to diyā ġhaddārī kā

ye batā kyā tire da.ave kā kuchh ādhār bhī hai

kis ko rūdād sunā.ūñ ki sabhī pūchhte haiñ

dāstāñ kyā tirī sunñe meñ pur-asrār bhī hai

sahl itnī bhī nahīñ shaad mohabbat kī Dagar

phuul us par haiñ kahīñ to kahīñ ḳhaar bhī hai

be-amal jhuTa farebi hai bad-atwar bhi hai

aaj ke daur ka insan to adakar bhi hai

aql hairan hai ki jannat ka talab-gar bhi hai

dil ye duniya ki mohabbat mein giraftar bhi hai

chahne walon ka mela hai tumhaar atraf

un mein hamdam ya koi munis-o-gham-KHwar bhi hai

apni qismat pe main nazan hun ki dilbar mera

KHubsurat hai sajila hai wafadar bhi hai

tune ilzam laga to diya ghaddari ka

ye bata kya tere dawe ka kuchh aadhaar bhi hai

kis ko rudad sunaun ki sabhi puchhte hain

dastan kya teri sunne mein pur-asrar bhi hai

sahl itni bhi nahin shad mohabbat ki Dagar

phul us par hain kahin to kahin KHar bhi hai