lab samne kisi ke kahan kholte hain log

lab sāmne kisī ke kahāñ kholte haiñ log

pīchhe to shaah ko bhī burā bolte haiñ log

ma.adūm ho ga.e haiñ jahāñ se vafā ḳhulūs

rishtoñ meñ zahar phir bhī magar gholte haiñ log

qur.āñ meñ itnī saḳht hidāyat ke bāvajūd

afsos len-den meñ kam tolte haiñ log

pahle kī tarah fikr ke sāhil pe baiTh kar

lafzoñ ke motī aaj kahāñ rolte haiñ log

īmāñ kā imtihān liyā jaaye to yahāñ

kamzor kashtiyoñ kī tarah Dolte haiñ log

kaise kisī ke dil meñ samā.ae koī ki ab

dil ke darīche sab pe kahāñ kholte haiñ

auroñ se ḳhair chhoḌiye is ahd meñ tū 'shād'

ḳhud apne aap se bhī nahīñ bolte haiñ log

lab samne kisi ke kahan kholte hain log

pichhe to shah ko bhi bura bolte hain log

madum ho gae hain jahan se wafa KHulus

rishton mein zahar phir bhi magar gholte hain log

quran mein itni saKHt hidayat ke bawajud

afsos len-den mein kam tolte hain log

pahle ki tarah fikr ke sahil pe baiTh kar

lafzon ke moti aaj kahan rolte hain log

iman ka imtihan liya jaye to yahan

kamzor kashtiyon ki tarah Dolte hain log

kaise kisi ke dil mein samaae koi ki ab

dil ke dariche sab pe kahan kholte hain

auron se KHair chhoDiye is ahd mein tu 'shad'

KHud apne aap se bhi nahin bolte hain log