bahut muztar bahut dard-ashna dil

bahut muztar bahut dard-āshnā dil

'ajab aafat kā TukḌā hai mirā dil

vafā kyā aur vafā kā tazkira kyā

tumhār sāmne jab rakh diyā dil

ye dil meñ tū ne paikāñ rakh diyā hai

ki dil meñ rakh diyā ik dūsrā dil

ham apne dil kī hālat sun ke roye

hamārā haal sun kar ro diyā dil

ye bijlī hai ki sho.ala hai ki sīmāb

mire āġhosh meñ hai kyā balā dil

har ik se hai vafā kī tum ko ummīd

har ik dil ko samajhte ho mirā dil

use jumbish nahīñ hotī fuġhāñ se

ḳhudā ne kyā banāyā hai tirā dil

'tabassum' hai 'ajab vāzhūnī-e-baḳht

maiñ hañstā huuñ to rotā hai mirā dil

bahut muztar bahut dard-ashna dil

'ajab aafat ka TukDa hai mera dil

wafa kya aur wafa ka tazkira kya

tumhaar samne jab rakh diya dil

ye dil mein tu ne paikan rakh diya hai

ki dil mein rakh diya ek dusra dil

hum apne dil ki haalat sun ke roye

hamara haal sun kar ro diya dil

ye bijli hai ki shoala hai ki simab

mere aaghosh mein hai kya bala dil

har ek se hai wafa ki tum ko ummid

har ek dil ko samajhte ho mera dil

use jumbish nahin hoti fughan se

KHuda ne kya banaya hai tera dil

'tabassum' hai 'ajab wazhuni-e-baKHt

main hansta hun to rota hai mera dil