samne to main ba-wazu bhi nahin

sāmne to maiñ bā-vazū bhī nahīñ

aur tāhir nazar kī ḳhū bhī nahīñ

shor dil kar rahā siine meñ

aur bas meñ rag-e-gulū bhī nahīñ

sajda bas sajda shukr kā sajda

zehn meñ kaun hai jo tū bhī nahīñ

chāk-e-dāman libās-e-jism to hai

haañ koī sūrat-e-rafū bhī nahīñ

aa utar dekh bas hai ishq tirā

in ragoñ meñ to ab lahū bhī nahīñ

ye ḳhamoshī koī ḳhamoshī hai

dasht-o-sahrā meñ hā-o-hū bhī nahīñ

tauba zauq-e-gunāh uf tauba

is ḳhatā se to surḳh-rū bhī nahīñ

ham-kalāmī kā daur ḳhatm huā

tū hai pahlū meñ guftugū bhī nahīñ

tum se milne ke ba.ad ai 'kausar'

ab koī aur aarzū bhī nahīñ

samne to main ba-wazu bhi nahin

aur tahir nazar ki KHu bhi nahin

shor dil kar raha sine mein

aur bas mein rag-e-gulu bhi nahin

sajda bas sajda shukr ka sajda

zehn mein kaun hai jo tu bhi nahin

chaak-e-daman libas-e-jism to hai

han koi surat-e-rafu bhi nahin

aa utar dekh bas hai ishq tera

in ragon mein to ab lahu bhi nahin

ye KHamoshi koi KHamoshi hai

dasht-o-sahra mein ha-o-hu bhi nahin

tauba zauq-e-gunah uf tauba

is KHata se to surKH-ru bhi nahin

ham-kalami ka daur KHatm hua

tu hai pahlu mein guftugu bhi nahin

tum se milne ke baad ai 'kausar'

ab koi aur aarzu bhi nahin