KHalwat ki har ek baat sar-e-rah-guzar hai

ḳhalvat kī har ek baat sar-e-rāh-guzar hai

ai shoḳh zamāne ko mohabbat kī ḳhabar hai

ik huuk jo lab par hai na lahje meñ numāyāñ

kis jagah chhupā.ī hai kahāñ par hai kidhar hai

ye ḳhaar na sozan hai na ḳhanjar hai merī jaan

ye tīr-e-nazar tīr-e-nazar tīr-e-nazar hai

jis ishq ne dīvāne ko dīvāna banāyā

ik piir kī maḳhsūs duāoñ kā asar hai

sajde meñ jabīñ palkoñ pai Thahre hue aañsū

ai dil ye terī fasl-e-nadāmat kā samar hai

ko nazr karūñ tujh ko batā ai mere hamdam

ik sīna-e-sad-chāk hai ik dīda-e-tar hai

ye giit na naġhma na ġhazal hai koī 'kausar'

tahsīn-e-samā.at ke liye ek guhar hai

KHalwat ki har ek baat sar-e-rah-guzar hai

ai shoKH zamane ko mohabbat ki KHabar hai

ek huk jo lab par hai na lahje mein numayan

kis jagah chhupai hai kahan par hai kidhar hai

ye KHar na sozan hai na KHanjar hai meri jaan

ye tir-e-nazar tir-e-nazar tir-e-nazar hai

jis ishq ne diwane ko diwana banaya

ek pir ki maKHsus duaon ka asar hai

sajde mein jabin palkon pai Thahre hue aansu

ai dil ye teri fasl-e-nadamat ka samar hai

ko nazr karun tujh ko bata ai mere hamdam

ek sina-e-sad-chaak hai ek dida-e-tar hai

ye git na naghma na ghazal hai koi 'kausar'

tahsin-e-samaat ke liye ek guhar hai