agar bayan-e-dil na-sabur niklega

agar bayān-e-dil nā-sabūr niklegā

tumhār ishq kā saarā qusūr niklegā

kabhī ye hijr kī rāteñ tamām bhī hoñgī

kabhī visāl kā sūraj zarūr niklegā

tumhāre naam kī gardān sajda chaukhaT par

dahan se ḳhushbū to māthe se nuur niklegā

maiñ jāntī huuñ ki dariyā-e-ishq kā tairāk

nikal bhī paayā to sāhil se duur niklegā

jo shīsha hotā to mumkin hai rahtā baal ke saath

ye dil hai TuuTā to phir chuur chuur niklegā

kahāñ sambhaltī hai vahshat se tere shahar kī bhiiḌ

junūn-e-dasht meñ hī bā-shu.ūr niklegā

haTā ke saare hijābāt jalva-rez to hoñ

ye sahn chashm-e-talab rashk-e-tūr niklegā

agar bayan-e-dil na-sabur niklega

tumhaar ishq ka sara qusur niklega

kabhi ye hijr ki raaten tamam bhi hongi

kabhi visal ka suraj zarur niklega

tumhaare nam ki gardan sajda chaukhaT par

dahan se KHushbu to mathe se nur niklega

main jaanti hun ki dariya-e-ishq ka tairak

nikal bhi paya to sahil se dur niklega

jo shisha hota to mumkin hai rahta baal ke sath

ye dil hai TuTa to phir chur chur niklega

kahan sambhalti hai wahshat se tere shahar ki bhiD

junun-e-dasht mein hi ba-shuur niklega

haTa ke sare hijabaat jalwa-rez to hon

ye sahn chashm-e-talab rashk-e-tur niklega