hausla rakh ki ye duniya nahin sari duniya

hausla rakh ki ye duniyā nahīñ saarī duniyā

ek naqsha hai ye kāġhaz pe utārī duniyā

rañg kamzor bahut the jo havas ne Daale

mujh se jis taur sañvar paa.ī sañvārī duniyā

maiñ ne kashkol uThāyā na maiñ dīvāna banā

havas kī kab mere ā’sāb pe taarī duniyā

ek darvesh ne pūchhā thā baḌī shafqat se

kaun sī merī hai aur kaun tumhārī duniyā

jāntā huuñ ki ye bas meñ nahīñ aatī aksar

ghaat meñ rahtī hai har aan shikārī duniyā

ab use kaun se kone meñ sajā.eñ 'āzād'

mere kamzor se āñgan meñ ye bhārī duniyā

hausla rakh ki ye duniya nahin sari duniya

ek naqsha hai ye kaghaz pe utari duniya

rang kamzor bahut the jo hawas ne Dale

mujh se jis taur sanwar pai sanwari duniya

main ne kashkol uThaya na main diwana bana

hawas ki kab mere aa’sab pe tari duniya

ek darwesh ne puchha tha baDi shafqat se

kaun si meri hai aur kaun tumhaari duniya

jaanta hun ki ye bas mein nahin aati aksar

ghat mein rahti hai har aan shikari duniya

ab use kaun se kone mein sajaen 'azad'

mere kamzor se aangan mein ye bhaari duniya