ek raat us dayar-e-fana mein qayam tha

ik raat us dayār-e-fanā meñ qayām thā

jab sub.h-e-nau milī to zamāna tamām thā

saaqī kā lutf-e-ḳhās bayāñ kis tarah se ho

shīshe chhalak rahe the baḌā ehtimām thā

'umr-e-drāz aur kahīñ par basar huī

maiñ jāntā nahīñ thā use bhī davām thā

yuuñ puḳhta-kāriyoñ kī taraf dekhtā hai dil

jaise ḳhayāl-e-ḳhām abhī aur ḳhaam thā

ab dil lagī hai dasht-e-mohabbat meñ chār-sū

pahle yahāñ junūñ kā baḌā ehtirām thā

par-basta huuñ ki mere tasarruf meñ thā falak

lab-basta huuñ ki shor-e-ḳhamoshī harām thā

'āzād' ko sunā to bahut der tak sunā

sach kah rahe the yaar baḌā ḳhush-kalām thā

ek raat us dayar-e-fana mein qayam tha

jab subh-e-nau mili to zamana tamam tha

saqi ka lutf-e-KHas bayan kis tarah se ho

shishe chhalak rahe the baDa ehtimam tha

'umr-e-draaz aur kahin par basar hui

main jaanta nahin tha use bhi dawam tha

yun puKHta-kariyon ki taraf dekhta hai dil

jaise KHayal-e-KHam abhi aur KHam tha

ab dil lagi hai dasht-e-mohabbat mein chaar-su

pahle yahan junun ka baDa ehtiram tha

par-basta hun ki mere tasarruf mein tha falak

lab-basta hun ki shor-e-KHamoshi haram tha

'azad' ko suna to bahut der tak suna

sach kah rahe the yar baDa KHush-kalam tha