zindagi mein yun to aksar be-sar-o-saman rahe

zindagī meñ yuuñ to aksar be-sar-o-sāmāñ rahe

haañ magar lagtā hai kab tak tañgī-e-dāmāñ rahe

kyā kaheñ jab tak rahe ham soḳhta-sāmāñ rahe

jab uThe bazm-e-jahāñ se aur bhī vīrāñ rahe

koī dastak de havā zinda koī paimāñ rahe

koī dar khultā rahe kuchh vasl kā imkāñ rahe

ham to uThte haiñ magar mahfil tirī tābāñ rahe

jaam gardish meñ rahe miinā sukūn-e-jāñ rahe

dil pe saarī 'umr dāġh-e-hijr ke ehsāñ rahe

aap aa.e haiñ to phir kuchh dā'vat-e-paikāñ rahe

ai visāl-e-mo'tabar aisī shab-e-hijrāñ rahe

har tasavvur puḳhta ho kar sūrat-e-jānāñ rahe

raat Dhaltī hī nahīñ kyā intizār-e-sub.h-e-nau

kyuuñ shabistān-e-alam meñ ḳhvāb-e-sargardāñ rahe

ab ke shāḳhoñ par nasheman banñe aa.ī hai havā

ab ke shāyad aur hī kuchh gardish-e-daurāñ rahe

zindagī kī phir se ho tashkīl-e-nau tā'mīr-e-nau

'umr jab Dhalne lage ik halqa-e-yārāñ rahe

zindagi mein yun to aksar be-sar-o-saman rahe

han magar lagta hai kab tak tangi-e-daman rahe

kya kahen jab tak rahe hum soKHta-saman rahe

jab uThe bazm-e-jahan se aur bhi viran rahe

koi dastak de hawa zinda koi paiman rahe

koi dar khulta rahe kuchh wasl ka imkan rahe

hum to uThte hain magar mahfil teri taban rahe

jam gardish mein rahe mina sukun-e-jaan rahe

dil pe sari 'umr dagh-e-hijr ke ehsan rahe

aap aae hain to phir kuchh da'wat-e-paikan rahe

ai visal-e-mo'tabar aisi shab-e-hijran rahe

har tasawwur puKHta ho kar surat-e-jaanan rahe

raat Dhalti hi nahin kya intizar-e-subh-e-nau

kyun shabistan-e-alam mein KHwab-e-sargardan rahe

ab ke shaKHon par nasheman banne aai hai hawa

ab ke shayad aur hi kuchh gardish-e-dauran rahe

zindagi ki phir se ho tashkil-e-nau ta'mir-e-nau

'umr jab Dhalne lage ek halqa-e-yaran rahe