sunti hun andhi aankhon se dukh ki chap

suntī huuñ andhī āñkhoñ se dukh kī chaap

sāz-e-dil par chheḌ ke ġham kā ek alaap

shahnā.iyoñ kī guuñj meñ maddham-maddham sī

duur kahīñ mahsūs to kī hai maut kī thaap

thaah na paa.ī jo bhī aayā Duub gayā

andar kī gahrā.ī ko mat aise maap

ek ke lekh meñ jalnā ek ke chalnā hai

aag aur paanī kā kyuuñ kar mumkin ho milāp

jīvan sāgar meñ mat do jī naav DhūñDh

apnī naav apnā kinārā haiñ ham aap

jiite jī mat narak meñ apne aap ko jhoñk

'ishq alaav detā hai rūhoñ ko taap

'ālam-e-mad-hoshī meñ bhalī sī lagtī hai

vaqt ke aḌiyal ghoḌe kī albelī Top

sunti hun andhi aankhon se dukh ki chap

saz-e-dil par chheD ke gham ka ek alap

shahnaiyon ki gunj mein maddham-maddham si

dur kahin mahsus to ki hai maut ki thap

thah na pai jo bhi aaya Dub gaya

andar ki gahrai ko mat aise map

ek ke lekh mein jalna ek ke chalna hai

aag aur pani ka kyun kar mumkin ho milap

jiwan sagar mein mat do ji naw DhunDh

apni naw apna kinara hain hum aap

jite ji mat narak mein apne aap ko jhonk

'ishq alaw deta hai ruhon ko tap

'alam-e-mad-hoshi mein bhali si lagti hai

waqt ke aDiyal ghoDe ki albeli Top