سنتی ہوں اندھی آنکھوں سے دکھ کی چاپ

سنتی ہوں اندھی آنکھوں سے دکھ کی چاپ

سازِ دل پر چھیڑ کے غم کا ایک الاپ

شہنائیوں کی گونج میں مدھم مدھم سی

دور کہیں محسوس تو کی ہے موت کی تھاپ

تھاہ نہ پائی جو بھی آیا ڈوب گیا

اندر کی گہرائی کو مت ایسے ماپ

ایک کے لیکھ میں جلنا، ایک کے چلنا ہے

آگ اور پانی کا کیوں کر ممکن ہو ملاپ

جیون ساگر میں مت دو جی ناؤ ڈھونڈ

اپنی ناؤ، اپنا کنارا ہیں ہم آپ

جیتے جی مت نرک میں اپنے آپ کو جھونک

عشق الاؤ دیتا ہے روحوں کو تاپ

عالمِ مدہوشی میں بھلی سی لگتی ہے

وقت کے اڑیل گھوڑے کی البیلی ٹاپ