raushan hai zamana magar ujyara nahin hai

raushan hai zamāna magar ujyārā nahīñ hai

tābish terī sūrat kā kahīñ saayā nahīñ hai

terī hī nazar se haiñ bahāroñ meñ mahak bhī

jis gul meñ terā naqsh ho murjhāyā nahīñ hai

terī hī sadā meñ hai shifā kā vo samundar

jis ne tujhe paayā vo kabhī haarā nahīñ hai

darbār meñ tere hī basī jin kī tamannā

vo shah bhī ġhulāmoñ meñ nazar aayā nahīñ hai

mahshar meñ tere dam se ujālā hī ujālā

jis ne tujhe dekhā vo bhaTak paayā nahīñ hai

kā'be meñ hai lahrāyā tire naam kā parcham

us ghar meñ tire bin to koī aayā nahīñ hai

mahshar meñ tirā naam hī rahmat kā sahārā

jis ne tujhe Thukrāyā vo bach paayā nahīñ hai

terī hī sadā meñ hai karam kā vo tabassum

jis ne tujhe apnāyā vo ghabrāyā nahīñ hai

terī hī panāhoñ meñ hai amjad kī bhī duniyā

us dar se kabhī vo to bhaTak paayā nahīñ hai

amjad ko tire dar se milā nūr-e-haqīqat

varna to kabhī dil ye chamak paayā nahīñ hai

raushan hai zamana magar ujyara nahin hai

tabish teri surat ka kahin saya nahin hai

teri hi nazar se hain bahaaron mein mahak bhi

jis gul mein tera naqsh ho murjhaya nahin hai

teri hi sada mein hai shifa ka wo samundar

jis ne tujhe paya wo kabhi haara nahin hai

darbar mein tere hi basi jin ki tamanna

wo shah bhi ghulamon mein nazar aaya nahin hai

mahshar mein tere dam se ujala hi ujala

jis ne tujhe dekha wo bhaTak paya nahin hai

ka'be mein hai lahraya tere nam ka parcham

us ghar mein tere bin to koi aaya nahin hai

mahshar mein tera nam hi rahmat ka sahaara

jis ne tujhe Thukraya wo bach paya nahin hai

teri hi sada mein hai karam ka wo tabassum

jis ne tujhe apnaya wo ghabraya nahin hai

teri hi panahon mein hai amjad ki bhi duniya

us dar se kabhi wo to bhaTak paya nahin hai

amjad ko tere dar se mila nur-e-haqiqat

warna to kabhi dil ye chamak paya nahin hai