kab tak rahe ye haal-e-qayamat kahan-kahan

kab tak rahe ye hāl-e-qayāmat kahāñ-kahāñ

le jā.egī mujhe ye nadāmat kahāñ-kahāñ

har lafz meñ basī thī kabhī terī aarzū

ab pūchhtī hai mujh se mohabbat kahāñ-kahāñ

sāñseñ bichhā ke tujh ko pukārā hai bārhā

ab Dūbtī hai merī tabī'at kahāñ-kahāñ

har rahguzar meñ terī nishānī kā zikr hai

ye DhūñDtī hai phir bhī hikāyat kahāñ-kahāñ

mujh se ḳhafā thā vaqt bhī tere firāq meñ

phir bhī luTā.ī maiñ ne amānat kahāñ-kahāñ

yādoñ ke qāfile ko sambhālā bahut magar

ab to bikhar rahī hai 'ināyat kahāñ-kahāñ

har aah meñ basī thī terī chup nigāh bhī

ab DhūñDtī hai aañkh sharārat kahāñ kahāñ

tere liye hī ziist ko jhuTlā diyā magar

ab ho rahī hai mujh se shikāyat kahāñ-kahāñ

tū hī thā jis kā naam liyā thā har ek dam

ab ho rahī hai mujh se baġhāvat kahāñ-kahāñ

'amjad' ne chhoḌ dī hai terī raah dekhnā

ab pūchhtī hai us se mohabbat kahāñ-kahāñ

kab tak rahe ye haal-e-qayamat kahan-kahan

le jaegi mujhe ye nadamat kahan-kahan

har lafz mein basi thi kabhi teri aarzu

ab puchhti hai mujh se mohabbat kahan-kahan

sansen bichha ke tujh ko pukara hai barha

ab Dubti hai meri tabi'at kahan-kahan

har rahguzar mein teri nishani ka zikr hai

ye DhunDti hai phir bhi hikayat kahan-kahan

mujh se KHafa tha waqt bhi tere firaq mein

phir bhi luTai main ne amanat kahan-kahan

yaadon ke qafile ko sambhaala bahut magar

ab to bikhar rahi hai 'inayat kahan-kahan

har aah mein basi thi teri chup nigah bhi

ab DhunDti hai aankh shararat kahan kahan

tere liye hi zist ko jhuTla diya magar

ab ho rahi hai mujh se shikayat kahan-kahan

tu hi tha jis ka nam liya tha har ek dam

ab ho rahi hai mujh se baghawat kahan-kahan

'amjad' ne chhoD di hai teri rah dekhna

ab puchhti hai us se mohabbat kahan-kahan