azal ke din se baj raha hai saz-e-naghma-ha-e-ishq

azal ke din se baj rahā hai sāz-e-naġhma-hā-e-ishq

tū gosh-e-dil se sun zarā tū bhī to mudda'ā-e-ishq

ḳhudī kā ishq ma.arka ḳhudī kī fat.h ishq hai

hai ishq meñ hī bandagī hai ishq ḳhud ḳhudā-e-ishq

kahāñ nahīñ thī kab nahīñ thī jalva-rezī ishq kī

tu paḌh zarā varaq varaq kitāb-e-qissa-hā-e-ishq

fanā baqā ye hast-o-būd adm-e-vajūd kyā haiñ sab

fareb-hā-e-husn haiñ yā haiñ ye kārhā-e-ishq

rukūa hai na qiyām hai na sajda-o-salām hai

paḌheñ namāzeñ phir bhī mere dil pe mubtalā-e-ishq

ajab haiñ bul-faraibiyāñ karam sitam ko kah diyā

jafā-e-husn ko yahāñ kahā gayā atā-e-ishq

ye hāsil-e-hayāt thā vo aa.e qabr par merī

lipaT ga.e mazār se kahāñ tu ye ke hā-e-ishq

mirā vajūd bas farāz ishq se ḳhamīr hai

hai ishq mere vāste to maiñ bhī barā.e-ishq

azal ke din se baj raha hai saz-e-naghma-ha-e-ishq

tu gosh-e-dil se sun zara tu bhi to mudda'a-e-ishq

KHudi ka ishq marka KHudi ki fath ishq hai

hai ishq mein hi bandagi hai ishq KHud KHuda-e-ishq

kahan nahin thi kab nahin thi jalwa-rezi ishq ki

tu paDh zara waraq waraq kitab-e-qissa-ha-e-ishq

fana baqa ye hast-o-bud adm-e-wajud kya hain sab

fareb-ha-e-husn hain ya hain ye karha-e-ishq

rukua hai na qiyam hai na sajda-o-salam hai

paDhen namazen phir bhi mere dil pe mubtala-e-ishq

ajab hain bul-faraibiyan karam sitam ko kah diya

jafa-e-husn ko yahan kaha gaya ata-e-ishq

ye hasil-e-hayat tha wo aae qabr par meri

lipaT gae mazar se kahan tu ye ke ha-e-ishq

mera wajud bas faraaz ishq se KHamir hai

hai ishq mere waste to main bhi barae-ishq