numayan KHana-bardari ke saman hote jate hain

numāyāñ ḳhāna-bardārī ke sāmāñ hote jaate haiñ

ujaḌte haiñ makāñ ābād zindāñ hote jaate haiñ

bahut kaam aa rahā hai imtidād-e-ahd-e-dushvārī

ki jitne kaam mushkil the sab āsāñ hote jaate haiñ

hazāroñ paikar ummīd nazroñ se hue ojhal

jo kuchh baaqī rahe the vo bhī pinhāñ hote jaate haiñ

udhar tahsīl uqbā kī tamannā hai mire dil meñ

udhar duniyā se lākhoñ ahd-o-paimāñ hote jaate haiñ

nigāh-e-yās ne duniyā badal dī ārzūoñ kī

numāyāñ ḳhud-baḳhud sab raaz pinhāñ hote jaate haiñ

ye kis andāz se kis shaan se daur-e-bahār aayā

ki dāman chaak ho-ho kar garebāñ hote jaate haiñ

nazar aatī haiñ lākhoñ hasrateñ madfūn har jānib

dil-e-ushshāq ab ganj-e-shahīdāñ hote jaate haiñ

dikhāyā hai asar 'mas.ūd' ab merī vafāoñ ne

jafā se dil meñ vo kuchh kuchh pashemāñ hote jaate haiñ

numayan KHana-bardari ke saman hote jate hain

ujaDte hain makan aabaad zindan hote jate hain

bahut kaam aa raha hai imtidad-e-ahd-e-dushwari

ki jitne kaam mushkil the sab aasan hote jate hain

hazaron paikar ummid nazron se hue ojhal

jo kuchh baqi rahe the wo bhi pinhan hote jate hain

udhar tahsil uqba ki tamanna hai mere dil mein

udhar duniya se lakhon ahd-o-paiman hote jate hain

nigah-e-yas ne duniya badal di aarzuon ki

numayan KHud-baKHud sab raaz pinhan hote jate hain

ye kis andaz se kis shan se daur-e-bahaar aaya

ki daman chaak ho-ho kar gareban hote jate hain

nazar aati hain lakhon hasraten madfun har jaanib

dil-e-ushshaq ab ganj-e-shahidan hote jate hain

dikhaya hai asar 'masud' ab meri wafaon ne

jafa se dil mein wo kuchh kuchh pasheman hote jate hain