baDh kar jabin ko chum liya shahsawar ki

baḌh kar jabīñ ko chuum liyā shahsavār kī

himmat pe āfrīñ mire musht-e-ġhubār kī

kholī girah jo gesū-e-ambar nisār kī

kaalī ghaTā ne baḌh ke ḳhabar dī bahār kī

kab se taḌap rahā huuñ maiñ roz-e-firāq meñ

kab se jalā rahī hai ḳhalish intizār kī

rokeñgī kab talak mujhe paañv kī beḌiyāñ

rah rah ke khīñchtī hai kashish kū-e-yār kī

soz-e-darūñ se phuñktā hai dīvāna aap kā

jaltā hai apnī aag meñ parvāna aap kā

kis be-adab ne chhū liyā paimāna aap kā

TuuTī surāhī hil gayā mai-ḳhāna aap kā

rusvā kahīñ na ho dil-e-dīvāna aap kā

'maz.har' chhalakne paa.e na paimāna aap kā

baDh kar jabin ko chum liya shahsawar ki

himmat pe aafrin mere musht-e-ghubar ki

kholi girah jo gesu-e-ambar nisar ki

kali ghaTa ne baDh ke KHabar di bahaar ki

kab se taDap raha hun main roz-e-firaq mein

kab se jala rahi hai KHalish intizar ki

rokengi kab talak mujhe panw ki beDiyan

rah rah ke khinchti hai kashish ku-e-yar ki

soz-e-darun se phunkta hai diwana aap ka

jalta hai apni aag mein parwana aap ka

kis be-adab ne chhu liya paimana aap ka

TuTi surahi hil gaya mai-KHana aap ka

ruswa kahin na ho dil-e-diwana aap ka

'mazhar' chhalakne pae na paimana aap ka