jab KHudi ahadiyat ne dur kiya

jab ḳhudī ahadiyat ne duur kiyā

nūr-e-vahdat ne tab zuhūr kiyā

naar ko dekh gir paḌe muusā

azm jis dam ki koh-e-tūr kiyā

jab nazar aayā vo mire dil meñ

dil-e-nāchīz ne ġhurūr kiyā

ā.īna-e-dil ko saaf kar dekhā

us meñ aslan nahīñ qusūr kiyā

vo jo aayā nazar nahīñ dil meñ

shīsha-e-dil ko maiñ ne chuur kiyā

sirr-e-bātin se kab ho vo āgāh

jis ne jubba pahan ke zor kiyā

ḳhvāb-e-ġhaflat se jaag ai 'fānī'

haq ne ab hukm-e-nafaḳh-e-sūr kiyā

jab KHudi ahadiyat ne dur kiya

nur-e-wahdat ne tab zuhur kiya

nar ko dekh gir paDe musa

azm jis dam ki koh-e-tur kiya

jab nazar aaya wo mere dil mein

dil-e-nachiz ne ghurur kiya

aaina-e-dil ko saf kar dekha

us mein aslan nahin qusur kiya

wo jo aaya nazar nahin dil mein

shisha-e-dil ko main ne chur kiya

sirr-e-baatin se kab ho wo aagah

jis ne jubba pahan ke zor kiya

KHwab-e-ghaflat se jag ai 'fani'

haq ne ab hukm-e-nafaKH-e-sur kiya