khol aankh apnī dekh ayan haq ka nur hai

khol aañkh apnī dekh ayaañ haq kā nuur hai

har barg va har shajar meñ usī kā zuhūr hai

jis jā pā nūr-e-haq kā hove tum pe jalva-gar

samjhūñ maiñ us zamīñ ko vahī koh-e-tūr hai

sājid uThā qadam nahīñ jā-e-qayām hai

apnā maqām jo hai vo manzil to duur hai

maḳhlūq tū huā hai faqīrī ke vāste

be-fā.eda havas tujhe māl-e-vufūr hai

jitnā mile jahāñ meñ qanā.at usī pe kar

kar tark-e-hirs-o-āz gar ahl-e-shu.ūr hai

'fānī' qarīb-e-maut hai rah yād-e-haq meñ tū

ye dam to vāpsīñ hai kal nafaḳh-e-sūr hai

khol aankh apnī dekh ayan haq ka nur hai

har barg wa har shajar mein usi ka zuhur hai

jis ja pa nur-e-haq ka howe tum pe jalwa-gar

samjhun main us zamin ko wahi koh-e-tur hai

sajid uTha qadam nahin ja-e-qayam hai

apna maqam jo hai wo manzil to dur hai

maKHluq tu hua hai faqiri ke waste

be-faeda hawas tujhe mal-e-wufur hai

jitna mile jahan mein qanaat usi pe kar

kar tark-e-hirs-o-az gar ahl-e-shuur hai

'fani' qarib-e-maut hai rah yaad-e-haq mein tu

ye dam to wapsin hai kal nafaKH-e-sur hai