کھول آنکھ اپنی دیکھ عیاں حق کا نور ہے

کھول آنکھ اپنی دیکھ عیاں حق کا نور ہے

ہر برگ و ہر شجر میں اسی کا ظہور ہے

جس جا پا نور حق کا ہووے تم پہ جلوہ گر

سمجھوں میں اس زمیں کو وہی کوہ طور ہے

ساجد اٹھا قدم نہیں جائے قیام ہے

اپنا مقام جو ہے وہ منزل تو دور ہے

مخلوق تو ہوا ہے فقیری کے واسطے

بے فائدہ ہوس تجھے مال وفور ہے

جتنا ملے جہاں میں قناعت اسی پہ کر

کر ترک حرص و آز گر اہل شعور ہے

فانیؔ قریب موت ہے رہ یاد حق میں تو

یہ دم تو واپسیں ہے کل نفخ صور ہے