gar pas tu na ho to teri justuju karen

gar paas tū na ho to terī justujū kareñ

ham dekhte raheñ tujhe jis samt rū kareñ

sajda ho tare dar pe marā us ghaḌī qubūl

ro ro ke apne ashk se jis dam vuzū kareñ

sharminda huuñ gunāh se apne maiñ is qadar

kyā chashm-e-pur-gunah ko terī dū-badū kareñ

banda qusūr-vār hai ḳhāliq marā ġhafūr

ab ḳhauf dal meñ bhalā ham kabhū kareñ

kār-e-majāz mujh pe huā is qadar buland

ḳhirqa ko chaak kar ke kyā hā-o-hū kareñ

'fānī' ko tū dikhā.iyo apnā jamāl-e-pāk

jis dam ba-roz-e-hashr tire rū-ba-rū kareñ

gar pas tu na ho to teri justuju karen

hum dekhte rahen tujhe jis samt ru karen

sajda ho tare dar pe mara us ghaDi qubul

ro ro ke apne ashk se jis dam wuzu karen

sharminda hun gunah se apne main is qadar

kya chashm-e-pur-gunah ko teri du-badu karen

banda qusur-war hai KHaliq mara ghafur

ab KHauf dal mein bhala hum kabhu karen

kar-e-majaz mujh pe hua is qadar buland

KHirqa ko chaak kar ke kya ha-o-hu karen

'fani' ko tu dikhaiyo apna jamal-e-pak

jis dam ba-roz-e-hashr tere ru-ba-ru karen