tū ne jo kuchh ki kiyā mere dil-e-zār ke sath

tū ne jo kuchh ki kiyā mere dil-e-zār ke saath

aag ne bhī na kiyā vo to ḳhas-o-ḳhār ke saath

aañkh uThā kar bhī na dekhā kabhī tū ne zālim

sar paTak mar ga.e lākhoñ tirī dīvār ke saath

ye ka.ī taar haiñ vo rishta-e-jāñ hai yaksar

ġhalat us zulf kī tashbīh hai zunnār ke saath

raat din rahtī hai juuñ dīda-e-tasvīr khulī

aañkh jab se lagī us ā.ina-ruḳhsār ke saath

dekhiyo gir na paḌe diijo use ai qāsid

dil-e-betāb lipaTtā hai maiñ tūmār ke saath

kyā ajab ye hai ki vo mujh se milā rahtā hai

gul ko paivastagī lāzim hai ki ho ḳhaar ke saath

hai sazā-vār agar aise ko diije dil-o-dīñ

ham bhī dekhā use kal duur se 'bedār' ke saath

tū ne jo kuchh ki kiyā mere dil-e-zār ke sath

aag ne bhī na kiyā wo to ḳhas-o-ḳhār ke sath

aañkh uThā kar bhī na dekhā kabhī tū ne zālim

sar paTak mar gae lākhoñ tirī dīwār ke sath

ye kaī tar haiñ wo rishta-e-jāñ hai yaksar

ġhalat us zulf kī tashbīh hai zunnār ke sath

raat din rahtī hai juñ dīda-e-taswīr khulī

aañkh jab se lagī us āina-ruḳhsār ke sath

dekhiyo gir na paḌe dijo use ai qāsid

dil-e-betāb lipaTtā hai maiñ tūmār ke sath

kyā ajab ye hai ki wo mujh se milā rahtā hai

gul ko paiwastagī lāzim hai ki ho ḳhaar ke sath

hai sazā-wār agar aise ko dije dil-o-dīñ

hum bhī dekhā use kal dur se 'bedār' ke sath