Sufinama

tab-e-didar jo lae mujhe wo dil dena

Aasi Ghazipuri

tab-e-didar jo lae mujhe wo dil dena

Aasi Ghazipuri

MORE BYAasi Ghazipuri

    tāb-e-dīdār jo laa.e mujhe vo dil denā

    muñh qayāmat meñ dikhā sakne ke qābil denā

    pā.ūñ yārab mujhe tāj-e-sar-e-manzil denā

    haath bhī gardan-e-maqsad meñ hamā.il denā

    ġhair-e-zāhir na mazāhir haqīqat samjhūñ

    itnī tam.īz miyān-e-haq-o-bātil denā

    zauq meñ sūrat-e-mauj aa ke fanā ho jā.ūñ

    koī bosa to bhalā ai lab-e-sāhil denā

    rashk-e-ḳhurshīd-e-jahāñ-tāb diyā dil mujh ko

    koī dilbar bhī usī dal ke muqābil denā

    asl-e-fitna hai qayāmat meñ bahār-e-firdaus

    juz tire kuchh bhī na chāhe mujhe vo dil denā

    terī ulfat meñ usī tarh rahūñ maiñ behāl

    haal denā ho agar rahm ke qābil denā

    haaye re haaye tirī uqda-kushā.ī ke maze

    khole jise vo uqda-e-mushkil denā

    ḳhūñ-fishānī ho mirī ā.ina-rū-e-fanā

    donoñ āñkhoñ ko rag-e-gardan-e-bismil denā

    nā-tavānī meñ sahāre ko hai ye kaafī

    dāman-e-lutf ġhubār-e-pas-e-mahmil denā

    sar-e-dushman se kahīñ aag bhaḌakte dekhī

    sham.a saañ mujh ko sar-afrāzī-e-mahfil denā

    tohmat-e-dil-dehī-e-ġhair-e-havas-kesh ġhalat

    aap ma.ashūq haiñ kyā jāneñ bhalā dil denā

    naqd-e-jān-o-dil idhar daulat-e-dīdār udhar

    un ko lenā bahut āsān hai mushkil denā

    rah ke āġhosh meñ ai bahr-e-karam āshiq ko

    qismat-e-soḳhta-e-sabza-e-sāhil denā

    tañgī-e-ġhuncha-e-pazmurda ho sahrā-e-vasī.a

    is qadar kulfat-e-afsurdagī-e-dil denā

    va.ada karne se bhī tañgī-e-dahan ne rokā

    bosa kaisā ki zabān un ko hai mushkil denā

    dard koī mahal nahīñ jab dil ke sivā

    mujh ko har uzv ke badle hama-tan dil denā

    'āsī'-e-zār meñ kuchh zo.af se hālat na rahī

    dard denā ho to bardāsht ke qābil denā

    tab-e-didar jo lae mujhe wo dil dena

    munh qayamat mein dikha sakne ke qabil dena

    paun yarab mujhe taj-e-sar-e-manzil dena

    hath bhi gardan-e-maqsad mein hamail dena

    ghair-e-zahir na mazahir ki haqiqat samjhun

    itni tamiz miyan-e-haq-o-baatil dena

    zauq mein surat-e-mauj aa ke fana ho jaun

    koi bosa to bhala ai lab-e-sahil dena

    rashk-e-KHurshid-e-jahan-tab diya dil mujh ko

    koi dilbar bhi usi dal ke muqabil dena

    asl-e-fitna hai qayamat mein bahaar-e-firdaus

    juz tere kuchh bhi na chahe mujhe wo dil dena

    teri ulfat mein usi tarh rahun main behaal

    haal dena ho agar rahm ke qabil dena

    haye re haye teri uqda-kushai ke maze

    tu hi khole jise wo uqda-e-mushkil dena

    KHun-fishani ho meri aaina-ru-e-fana

    donon aankhon ko rag-e-gardan-e-bismil dena

    na-tawani mein sahaare ko hai ye hi kafi

    daman-e-lutf ghubar-e-pas-e-mahmil dena

    sar-e-dushman se kahin aag bhaDakte dekhi

    shama san mujh ko sar-afraazi-e-mahfil dena

    tohmat-e-dil-dehi-e-ghair-e-hawas-kesh ghalat

    aap mashuq hain kya jaanen bhala dil dena

    naqd-e-jaan-o-dil idhar daulat-e-didar udhar

    un ko lena bahut aasan hai mushkil dena

    rah ke aaghosh mein ai bahr-e-karam aashiq ko

    qismat-e-soKHta-e-sabza-e-sahil dena

    tangi-e-ghuncha-e-pazmurda ho sahra-e-wasia

    is qadar kulfat-e-afsurdagi-e-dil dena

    wada karne se bhi tangi-e-dahan ne roka

    bosa kaisa ki zaban un ko hai mushkil dena

    dard ka koi mahal hi nahin jab dil ke siwa

    mujh ko har uzw ke badle hama-tan dil dena

    'asi'-e-zar mein kuchh zoaf se haalat na rahi

    dard dena ho to bardasht ke qabil dena

    Source :
    • Book : Diwan-e-aasi (Pg. 17)
    • Author : Aasi Ghazipuri
    • Publication : Subhanallah Azeem Gorakhpuri (1938)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now