aashiq hun kah raha hun ki puri ho aarzu

āshiq huuñ kah rahā huuñ ki puurī ho aarzū

mahfil meñ terī baiTh ke maiñ bhī huuñ surkH-rū

sab zāhidoñ ko paḌh ke ġhazal vajd āgayā

maiñ ne ġhazal likhī thī kabhī hoke bā-vazū

rāh-e-talab meñ mar gayā majnūñ to kyā huā

mar ke bhī aaj zinda hai vo qais ḳhūb-rū

bād-e-sabā to khūcha-e-jānāñ se aatī hai

is vāste ki tujh se to aa.ī hai us kī bū

un ko nahīñ hai fikr zamāne kī ho bhī kyuuñ

jab do dīvāne baiTh ke karte haiñ guftugū

us kā bayāñ na karnā bhī goyā bayān hai

us ke sukūt meñ bhī hai poshīda guftugū

āḳhir ko raas aahī ga.iiñ sohbateñ 'tamīm'

ya.anī tirī adā hai adā us kī hū-bahū

aashiq hun kah raha hun ki puri ho aarzu

mahfil mein teri baiTh ke main bhi hun surkH-ru

sab zahidon ko paDh ke ghazal wajd aagaya

main ne ghazal likhi thi kabhi hoke ba-wazu

rah-e-talab mein mar gaya majnun to kya hua

mar ke bhi aaj zinda hai wo qais KHub-ru

baad-e-saba to khucha-e-jaanan se aati hai

is waste ki tujh se to aai hai us ki bu

un ko nahin hai fikr zamane ki ho bhi kyun

jab do diwane baiTh ke karte hain guftugu

us ka bayan na karna bhi goya bayan hai

us ke sukut mein bhi hai poshida guftugu

aaKHir ko ras aahi gain sohbaten 'tamim'

yani teri ada hai ada us ki hu-bahu