tanhā na dil hī lashkar-e-ġham dekh Tal gayā

tanhā na dil hī lashkar-e-ġham dekh Tal gayā

is ma.arke meñ pā-e-tahammul bhī chal gayā

haiñ garm-e-guftugū gul o bulbul chaman ke biich

hogā ḳhalal sabā jo koī paat mil gayā

us sham.a-rū se qasd na milne kā thā hameñ

par dekhte hī mom-sifat dil pighal gayā

mun.im tū yaañ ḳhayāl-e-imārat meñ kho na umr

le kaun apne saath ye qasr-o-mahl gayā

laagī na ġhair-e-yās hinā-e-umīd haath

duniyā se jo gayā kaf-e-afsos mal gayā

us rāh-rau ne dam meñ kiyā tai rah-e-adam

hastī ke sañg se jo sharar sā uchhal gayā

dekhā har ek zarre meñ us āftāb ko

jis chashm se ki be-basarī kā ḳhalal gayā

guzrī shab-e-shabāb huā roz-e-shaib aḳhīr

kuchh bhī ḳhabar hai qāfila aage nikal gayā

qābil maqām ke nahīñ 'bedār' ye sarā.e

manzil hai duur ḳhvāb se uTh din to Dhal gayā

tanhā na dil hī lashkar-e-ġham dekh Tal gayā

is marke meñ pā-e-tahammul bhī chal gayā

haiñ garm-e-guftugū gul o bulbul chaman ke bich

hogā ḳhalal sabā jo koī pat mil gayā

us shama-rū se qasd na milne kā thā hameñ

par dekhte hī mom-sifat dil pighal gayā

munim tū yañ ḳhayāl-e-imārat meñ kho na umr

le kaun apne sath ye qasr-o-mahl gayā

lagī na ġhair-e-yās hinā-e-umīd hath

duniyā se jo gayā kaf-e-afsos mal gayā

us rāh-rau ne dam meñ kiyā tai rah-e-adam

hastī ke sañg se jo sharar sā uchhal gayā

dekhā har ek zarre meñ us āftāb ko

jis chashm se ki be-basarī kā ḳhalal gayā

guzrī shab-e-shabāb huā roz-e-shaib aḳhīr

kuchh bhī ḳhabar hai qāfila aage nikal gayā

qābil maqām ke nahīñ 'bedār' ye sarāe

manzil hai dur ḳhwāb se uTh din to Dhal gayā