tegh chaDh uski san par aai

teġh chaḌh us kī saan par aa.ī

dekheñ kis kis kī jaan par aa.ī

ham bhī hāzir haiñ khīñchiye shamshīr

tab.a gar imtihān par aa.ī

Tuk shikāyat kī ab ijāzat ho

nahīñ ruktī zabān par aa.ī

pūchhiye hāl-e-zār ye na kabhū

dil-e-nā-mehrbān par aa.ī

dil hamārā ki ghar ye terā thā

kyuuñ shikast is makān par aa.ī

kaT ga.ī dūdmān-e-tāk kī naak

duḳht-e-raz jab dukān par aa.ī

Tuk to zālim sambhāl ḳhanjar-e-kīñ

kārad ab ustuḳhvān par aa.ī

ālam-e-jāñ se tū nahīñ aayā

ek aafat jahān par aa.ī

ġhair ke aage dil kī baat 'bayāñ'

aah merī zabān par aa.ī

tegh chaDh us ki san par aai

dekhen kis kis ki jaan par aai

hum bhi hazir hain khinchiye shamshir

taba gar imtihan par aai

Tuk shikayat ki ab ijazat ho

nahin rukti zaban par aai

puchhiye haal-e-zar ye na kabhu

dil-e-na-mehrban par aai

dil hamara ki ghar ye tera tha

kyun shikast is makan par aai

kaT gai dudman-e-tak ki nak

duKHt-e-raz jab dukan par aai

Tuk to zalim sambhaal KHanjar-e-kin

karad ab ustuKHwan par aai

aalam-e-jaan se tu nahin aaya

ek aafat jahan par aai

ghair ke aage dil ki baat 'bayan'

aah meri zaban par aai